Intimitaterako eskubidea administrazioan

3/2018ko Lege Organiko berriak, Datu Pertsonalak Babesteari buruzkoak, X. tituluan eskubide digitalak bermatzen dituzten hainbat berrikuntza sartu ditu. Sektore publikoaren esparruan Legeak egoera batzuk deskribatzen ditu, eta horien bidez langileek euren lan esparruan intimitaterako eskubidea izan dezaten babestu nahi du.

Zehatzago esanda, 87tik 90arteko artikuluek  lanean intimitaterako eskubidea izatea arautzen dute, honako hauek kontuan hartuta: dispositibo digital profesionalen erabilera, bideo-zaintza eta soinuak grabatzeko dispositiboak erabiltzea, geolokalizaziorako dispositiboen erabilera eta deskonexio digitalerako eskubidea.  Oro har, aipatu diren aginduek hainbat arau orokor ezartzen dituzte, elkarteak langileei nahiz sindikatuko ordezkariei -baldin balego- aldez aurretik, argi eta garbi informazio zehatza eman diezaien, bai egin nahi den kontrolari buruz, bai hori ezartzeko irizpideei buruz.

Era berean, ezarritako edo abiatutako neurriak beti izan beharko dira egin nahi den kontrolarekiko zuzenak, eta jakina, mugak dituzte, intimitateari dagozkion espazioak ezin baitira urratu. Adibidez, ez da onartuko “langileek edo enplegatu publikoek atsedena hartzeko edo lasai egoteko dituzten guneetan -hala nola, aldagelak, komunak, jantokiak eta horrelakoak- soinuak nahiz irudiak grabatzeko sistemak instalatzea”.

Labur esanda, esparru publikoan lan-jarduna kontrola daiteke; hala ere, kontrol horretarako propio jarriko diren teknologiak abiatu eta erabili aurretik,  ezarriko diren eskubideak areagotzen dituzten hainbat arau eta muga daude.